Elin og Morten i Perth

Australian Football League

Morten — Thu, 22 Apr 2010 06:49:08 +0000

Hey,

Var på fotballkamp her førre helg. Ikkje slik ordentleg fotball som Leeds blant anna spela. Nei, dette var AFL, Australian football league. Det er den største sporten i Australia, men eg skjønte ikkje reglane før fjerde og siste omgang. Per omgang vara i 30 minutt og det var ganske fullt på Subiaco Oval som rommar 50.000 tilskodarar.

Fekk gratisbillettar av familien til ein kompis av meg, David Von Leunbach! Kjempekar.

David likar seg på kamp med øl

Meg og maskoten i håndgemeng før kampstart!

Varmt var det vertfall!!

Fremante dockers vant kampen 118 – 116 mot Geeldon trur eg det var:)

Alt i alt ei artig oppleving og noko eg måtte ha med meg under opphaldet mitt Down Under.

Påsketur til Exmouth

Morten — Thu, 01 Apr 2010 18:45:37 +0000

Sidan det er påske og mid-semester-break har seks kloke studentar funne ut at dei vil utforske meir av denne flotte store øya. Ferden går i første omgang frå Perth til Kalbarri kor me tek ein liten pit-stop på eit døgn. Her blir det å slå opp telt før me fartar vidare nordover dagen derpå til me stoggar ved Exmouth eitt tusen to hundre og åtteogfemti kilometer lengre opp i delstaten Western Australia, eller fire Osloturar frå Årdal om du vil.

- I Exmouth skal vi prøve å få en svømmetur med verdens største fisk. Hvalhaien immigrerer nemlig hit vært år fra slutten av mars til juli. Det kommer også til å gå en del tid til snorkling i Ningaloo Reef som går for å være et av verdens peneste koralrev. Seier turarrangør, Simen Lønning (24) til bloggen min.

Til anledninga har eg kjøpt inn fiskestong, slukar og ikkje minst eit snøre som merkeleg nok var dyrare enn sjølve stonga. Elles er ein flott campingstol med kjølebag og (vaksen)brus-behaldar handla inn i lag med myggnetting, myggspray, liggeunderlag og anna dill dall.

Skal koma attende med statusrapport og fyldigare reisebrev med tida, så følg med

I mellomtida:

Bilete henta frå Simen sin blogg.

Journalist-student

Morten — Wed, 31 Mar 2010 05:31:44 +0000

Livet som student går framleis bra. Dette semesteret er truleg det mest intensivet eg kjem til å ha under opphaldet mitt her nede. No lærer eg meg kunnskapen å framkalle i mørkerom med film, samstundes å lære seg kunsten med å ta bilete med analog-kamera med tanke på blender, lukkertid, ISO og meir. Eit anna fotofag eg har er Advanced Digital Phototomedia, her lærer me om digitale speilreflekskamera og redigering i photoshop, ganske morosamt. Eg har valt å ta to tredjeårsfag i journalistikken som heiter Newsroom Journalism og Freelance. I sistnemde fag har eg akkurat fått tilbakemeldingar om ein profil-artikkel eg har laga om ein bodybuilder som heiter Steve Mattioli, ein fantastisk hyggeleg kar. Eg fekk karakteren Distinction, noko eg er særs nøgd med då dette er det nest høgste. Følgjande kommentar høyrde med; “You have told a great story and shown that you have an eye for what is interesting and funny and engaging. In parts your use of language is brilliant but in parts it just needs a little work , mainly with little joining words like in, for, on etc.”
Om det er nokon der ute som er flink med bindeord i engelsk som kan gje med ein hurtigleksjon?

Ja, tenkte eg kunne dele med dykk artiklane eg skriv i eit fag eg har på uni som heiter Newsroom journalism. Her opererar me som ekte journalistar der me får utdelt informasjon kring ei sak kvar måndag. Deadline er satt til fredag og i mellomtida må me jobba i grupper for å halda liv i nettstaden kalla 3rd degree. Følg linken her for å sjå kva eg driv med.

Me skal laste opp 10 artiklar i løpet av semesteret. Neste artikkel kjem i morgon, medan neste deretter kjem om to veker grunna påskeferie.

På gjensyn,
Morten

Dracula på karneval

Morten — Tue, 30 Mar 2010 05:51:03 +0000

På laurdag var det duka for karneval hjå nokre kjekke og stramme karar som har busatt seg lenger sør i byen.

Her dukka Super Mario & Luigi opp, det same gjorde fleire prinsesser og ninjaer. Rafael frå turtles sprada rundt i huset, ei vandrande søppebøtte haldt stand og fleire transar tok turen innom karnevalet.

Eg var utkledd som Dracula og hadde kjøpt dressbukse, dressjakke, finskjorte!, pensko! og ansiktsmaling til den nette sum av 25 dollar på ei bruktsjappe. (25×5,4NOK)

Morosamt var det, sjølv om me vart tre timar forsinka grunna ein tvsendt Leeds-kamp som måtte prioriterast. I tillegg til fleire foppalidiotar her i Perth, traska eg først ned til naboen på vorspiel hjå Luigi/Simen saman med Lynvingen/Stian og Spiderman/Andreas kor me rigga oss til med FOX-tel med projektor, slik at gutta fekk sjå Rottenham mot stakkarslege Pompey medan eg streama heltane mine i aksjon mot Norwich for ikkje å gå vidare inn på resultatet. Pauseunderhaldning var wiener-pølse og sminking!

Bloggtørka over?

Morten — Tue, 30 Mar 2010 05:30:32 +0000

Har hatt ein lang og god ferie etter skulen slutta i November. Dette har utvilsamt påverka bloggskrivinga, men skal prøva å få ned nokre ord og bilete i tida som kjem.

No er eg attende i Perth, eller har vore her sidan 23 Februar etter ein korttur heim til moderlandet i Januar/Februar.

Det var ein deilig tur heim då eg og fekk sett famile, vener og andre bekjente. Tipp topp! Fekk meg og ein tur over dammen for å sjå verdens beste klubblag slå Colchester på fortet: Elland Road. Magisk! Ettersom eg er vorten 24 vintrar gamal var dette ein utmerket presang frå min betre halvleik

Elin vert diverre ikkje med “Down Under”, då ho fekk eit kjempetilbod om å bli dagleg leiar i Studio Alf frisører i Oslo. Noko ho rett og slett ikkje kunne takka nei til. Jobben ligg i Grønnegata, rett attmed der me har leilighet i Parkveien. Det er i gata nedanfor gamlejobben hennar for den som hugsar kor den låg. Det er òg same bedrift og eigarar. Ein kan tydeleg sjå at ho har gjort eit godt inntrykk med sine tre lærlingår i Hegdehaugsveien.

Elles er været her stabilt varmt her i OZ forutan ein liten orkan som sveia over byen førre måndag. Det er hektisk på skulen med mykje innleveringar og sjølvstudie. Kan nemna 14 innleveringar og oppdrag i April mnd og 18 i Mai som ventar.

Planen vidare er å reise heim til Noreg i sommar, då eg har fått tilbod om sommarjobb på NorSun. Blir verande i solfylte nord i om lag 2 mnd. Gledar meg til å treffe kjæraste, familie, vener samt bygd & by, i prioritert rekkefølgje!

Me prekast,
Morten

Byen vår

Morten — Wed, 02 Dec 2009 03:28:52 +0000

Fra Kings Park kan du sjå nesten heile byen vår, og det er eit fantastisk syn. Her har eg teke bilete fra parken i solnedgang og kveld.

Exclusive: Burn In Hell release

Morten — Fri, 23 Oct 2009 03:56:19 +0000

I går kveld dukka movie-posteren til den nye filmen vår opp. Eg, Elin og Bjørn Erik har stilt opp som modellar for Didrick sitt filmprosjekt. Mr. Stenersen er godt nøgd med sitt ferdige produkt. – Jeg har laget en filmplakat på sløyden denne uken. Sjekk ut Burn in Hell. Den er konge, seier Mr. Stenersen i ein kort kommentar på sin eigen blogg.

Tør du å sjå filmen?

Bali

Morten — Thu, 24 Sep 2009 02:35:55 +0000

No er me i vakre Bali. Første dagen var det overskya og kjedeleg, kva skulle me finne på?
I går kom første soldagen og tøffe som me er, grilla me oss heile dagen til me var så solbrende at me låg strake i senga resten av kvelden. Blir skyggen i dag så håpar me at me kan ut att i finvèret i morgon.
Her bur me.

Frå hotellet

No har eg dårleg batteri på maskina mi, og eg brukar kvarter på å lasta opp kvart bilete.
Skal prøva å oppdatera att i kveld.
Tudels.

På norskfest i OZ

Morten — Sat, 22 Aug 2009 14:39:33 +0000

I går kveld var me på ANSA fest, “Back to school party” kalla dei det. ANSA er studentsamskipnaden for norske studentar i utlandet. Her vart me kjend med enda fleire nordmenn, som har klart å rota seg ned til Perth.
Me hadde eit lite pre-party nede i LA Grange street, dvs. hos Thea, Ina og Ingvild.

Her er gjengen klare for ANSA fest

Tidlegare på dagen hadde jentene i “Grange street” fått besøk av sjølvaste raudnakken, Eddy. “Eddy the cop” hadde teke turen frå blomsterbeddet i retning huset då han brutalt vart drepen av jentene sin nabo. Redback som han òg blir kalla er den kjende, farlege og ekle edderkoppen. Han har den karakteristiske raude stripa på ballongryggen sin, kor han òg oppbevara gift og anna skvip. Han kan visst drepa ungar, sjuke og gamle når ein angrip menneskje.

Eddy vart knipsa av Thea, i det han skulle bryta seg inn i huset!!!

Skule og peng i boks

Morten — Thu, 30 Jul 2009 13:21:56 +0000

Då var eg endeleg innrullert og skulen er i gong for min del. Eg har valt major i journalistikk, for den som lurer har eg valt “electives” (fag) frå Broadcasting og Photomedia. Elin seier eg skal bli den nye Davy, han i TV2 veit du, berre med årdalsdialekt og ivrig forteljarstemma.
No går eg og Elin på samme campus, sjølv om ho sit nokre bygg bortanfor og reknar seg i hjel på business-linja med kalkulator i handa og rosa sløyfer i i håret, på den nye bobfrisyren ho har anskaffa seg.

Dagane går her nede i Perth, sola skin og skal skina i minst 14 dagar framover. Varmen sprer seg fort frå morgonen og temperatuen viser om lag 20-25 + om dagane. Om ettermiddagen kjem kulda krypande fortare enn svint når sola går ned og det mørknar, i sekstida. Me frys om natta, spesielt eg, då Elin har fått ein fel uvane med å hiva dyna si på golvet for så å ta over mi. Det er som fortent, for eg er så uroleg og sparkar ho i søvne, seier illa.
Elles er det langhelg på oss no og me skal nyta fridagane og finveret til å gjera mykje som å trakka nede på strondi, dessutan skal Elin lesa til mid-term exam som er i neste veka.

Ein ting til, no ser det ut til at eg får peng frå lånekassen etter månader med venting! Finally.. No har eg gått utan peng sidan midten av Juni, og har berre snylta på Elin som har vore veldig gavmild. No treng eg ikkje spørja etter lommepeng frå kjæresten min lenger. Det skal bli godt.

PS. I morgo, den 31. Juli har Elin namnedag. Kort og pakkar kan sendast til 10/60 Stanley st. Scarborough 6019 WA.

Fyrste skuledag med ranselen (Elin sin) på plass

Kaffi i langfri

Så kjekt det er på skulen

Pause nummer to

Kjæresteparet